Истражувањата покажаа дека состојката на омилениот црн пијалок има позитивен ефект врз намалувањето на телесните масти.
Мал е бројот на оние кои денот не го започнуваат со шолја црно кафе. Добрата страна на овој пијалок е што веднаш крева енергија, нè буди и не подготвува да се справиме со обврските што нè чекаат од утрото.
За влијанието на кафето врз здравјето често се дебатира, некои веруваат дека кофеинот (состојка во овој пијалок) кога се внесува во големи количини има штетен ефект, а се зборуваше за неговите канцерогени својства (што подоцна беше побиено).
Сепак, поголем број од оние веруваат во корисни ефекти на овој пијалок врз нашето здравје. Така, утврдено е дека тоа всушност го намалува ризикот од најчестите форми на карцином (дојка, дебелото црево, простата), кардиоваскуларни заболувања, дијабетес тип 2, Паркинсонова болест итн.
Едно од најновите студии исто така покажа дека жените кои уживаат во две или три шолји кафе на ден, имаат помалку маснотии во телото отколку оние кои го пијат овој пијалок во помали количини или воопшто не го пијат.
Според научниците, причината е дека црното кафе содржи соединенија кои имаат силен ефект врз намалувањето на телесните масти и го поттикнуваат губењето на тежината.
Интересно е што ефектот е ист без оглед на возраста на жената, како и дали станува збор за „редовен“ или кофеин пијалок. И не беше важно дали тие биле пушачи или непушачи, или луѓе со или без хронично заболување.
Британските научници откриле дека просечниот процент на телесна маст е 2,8 проценти помал кај жените (без оглед на возраста) кои пиеле по две или три шолји кафе на ден.
Жените на возраст меѓу 20 и 44 години кои пиеле по две до три шолји кафе на ден, имале 3,4 проценти помалку маснотии во споредба со луѓето кои не пиеле.
И жените на возраст меѓу 45 и 69 години кои пиеле по четири или повеќе чаши на ден имале 4,1 процент помалку маснотии во абдоменот.
Кафето, исто така, имало позитивен ефект врз мажите, но не во таква мерка, покажа студијата.
Мажите на возраст меѓу 20 и 44 години кои пиеле по две или повеќе чаши дневно, имале 1,3 проценти помалку вкупно масно тело во однос на оние кои не го пиеле овој пијалок. Беше забележано и дека нивната маст е помалку депонирана во пределот на желудникот.