Не е јасно како доаѓањето на зимата во јужната хемисфера, односно летото во северната хемисфера, ќе влијае на новиот коронавирус, изјави денеска во Женева извршниот директор на Светската здравствена организација за итни програми, Мајк Рајан.
Рајан на виртуелна прес-конференција рече дека СЗО не знае како ќе се однесува вирусот и дека во моментов нема податоци што би сугерирале дека ќе се однесува поагресивно или ќе се пренесува поефикасно, пренесува Ројтерс. Тој исто така изјави дека не е јасно како доаѓањето на летото во северната хемисфера ќе влијае на заразата.
- „Не можеме да се потпреме на очекувањата дека сезоната или температурата ќе бидат решението.“ – рече Рајан.