Познатиот холивудски ерген, Леонардо Дикаприо последниве три години ужива во друштвото на 23-годишната аргентинска убавица Камила Мороне, а сериозноста на нивната врска ја потврди и нивното заедничко појавување на годинашните Оскари. Неговиот потег ги изненади многумина со оглед на фактот дека тој последен пат пристигна на ваков голем настан во друштво на девојка во 2005 година, а таа чест и припадна на бразилскиот модел Џизел Бундчен со кого помина пет години.
И покрај заштитните маски на лицето, холивудскиот пар не можеше да помине незабележано од леќите на фотографите кои се на должност. И додека славниот добитник на Оскар се качил во приватен авион во обично издание со бејзбол капа на ЛА Доџерс, неговата подобра половина се појави во патничко издание со трендовски парчиња во облик на маслинов макси фустан, федора капа и ја одбра торбата Pouch потпишана од италијанскиот бренд Bottega Veneta.
