Околу 800 грчки фирми се преселиле во Бугарија во првата половина од годинава, поради кризата во Грција, објавува електронското издание на “Грик Рипортер“, пренесува Нетпрес.
Според објавеното, до крајот на годинава, се очекува ист број на компании и од Романија да се преселат во Бугарија. Причината за ова, сметаат експертите, е тоа што во Бугарија има најниски даноци во ЕУ, има макроекономска стабилност, евтина работна сила, како и евтини недвижни имоти и транспортни услуги.
Грчките фирми, кои ја преселиле својата дејност во Бугарија вработиле околу 82.000 лица.
Извор: Нетпресс