Песната “Miss Sarajevo” која групaта U2 ја интерпретираше заедно со оперскиот пејач Лучијано Павароти во 90-тите години, повторно ќе се слуша на нивните концерти низ целиот свет. Имено, по апсењето на Ратко Младиќ, кој моментално се наоѓа на судење во Хаг, групата одлучила песната повторно да ја стави на својот репертоар. U2 оваа песна за првпат ја имаат испеано за време на војната на стадионот Кошево во Сараево, а членовите на бендот велат дека тоа бил еден од најважните концерти во нивните животи.
Благодарение на U2, бил продуциран и филмот на Бил Картер “Miss Sarajevo”.