Кој очекуваше водечкиот моден тренд во 2020-тите да биде некоја верзија на sci-fi футуризмот, згреши, бидејќи владее модната носталгија. За модни референци, не гледаме далеку во минатото, бидејќи главниот хит во моментов е доцните 1990-ти и раните 2000-ти.
Актуелната поп-кралица Дуа Липа ги имитира своите колешки, па во согласност со духот на албумот Future Nostalgia, по примерот на Мараја Кери и Кристина Агилера од пред дваесет години, носи облека со нивниот омилен мотив – пеперутките.
Овој тренд го врати во март на доделувањето на Греми наградите во фустан на Версаче со светки, а пеперутките не беа само за на сцена, туку и за приватни собири, покажа со комбинации на дизајнерката Маша Попова и куќата на Блумарин.
Пеперутките слетаа на фармерки и топови, а бидејќи мотивот на пеперутка продефилираше низ целата колекција на Blumarine за пролет/лето 2022 година, и се појавува и во новата колекција на Шанел, овој тренд се чини дека ќе остане.
