Карл Кокс на Грин Бич со приватен авион – директно од Ибица

На 29 јули Carl Cox ќе пристигне во Охрид со неговиот приватен авион директно по неговиот настап на Ибица, а после роденденската журка на Green Beach, заедно со John Digweed продолжуваат во Англија. Таму на 01 август светот ја очекува премиерата на најновиот албум на диџеј маестрото Carl Cox насловен „All Roads Lead To The Dancefloor“. Албумот е прв после неговата 6 годишната студиска пауза, но долгогодишната работа во неговото студио во Мелбурн резултира со повеќе од 20 внимателно селектирани траки и загарантирани подиумски хитови. Карл Кокс во типично него в стил, повторно настапува револуционерно на денс сцената издавајќи го овој албум за прв пат на најновата и досега невидена УСБ технологија која на неговите фанови им нуди многу повеќе од конвенционалните CD изданија до сега.

Настапите на Карл Кокс и Џон Дигвид во Охрид во организација на Octopussy Entertainment иPassword Production, се единствените нивни настапи во пошиоркиот регион, со што Охрид и плажата Парк добиваат балкански ексклузивитет на светската клабинг сцена. Но восхитот е секогаш поголем кога ексклузивитетот на артистите е обезбеден пред сé со музичкиот квалитет и повторно се потврдува правилото дека вистинските ѕвезди се исклучително приземјени личности со изненадувачка скромност во рај дер барањата. Токму таков е и овој случај на двете светски имиња кои ве очекуваат со целовечерен сет и луда журка до изгрејсонце на плажата Парк во Охрид.