ОКЛЕНД – Градот Окленд во Нов Зеланд го зазеде првото место на листата на „најдобри градови за посета“ најпознатиот светски издавач на туристички водичи „Lonely Planet“
Објавата предизвика одредени хумористични коментари во Нов Зеланд, бидејќи секој што сега ќе се обиде да го посети тој заклучен град ризикува да се соочи со голема парична казна или затвор, пренесува британскиот весник „Гардијан“.
„Тоа е еден вид осамена планета која е во локдаун од трет степен“, напиша еден жител на Окленд на социјалните мрежи.
„Ова веројатно значи дека остатокот од светот е на многу лошо место“, се пошегува друг.
Рангирањето, сепак, е за градовите што треба да се посетат во 2022 година, а „Lonely Planet“ без сомнение е оптимист дека во некоја фаза следната година градот повторно ќе биде отворен за туристи.
Градоначалникот на Окленд, Фил Гоф, во изјавата соопштението дека ова рангирање „ќе му даде вистински поттик на туристичкиот и угостителскиот сектор на Окленд кога ќе почнат да закрепнуваат од блокадата на Ковид-19 и кога ќе се отворат границите“.
Но, сè уште не се споменуваат временските рамки за олеснување на граничните блокади на Нов Зеланд и Окленд.
Засега, на сите потенцијални посетители, дури и на оние од другите делови на Нов Зеланд, им треба законско ослободување за да ја преминат полициската граница и да стигнат до градот.
Градот е во блокада од трет степен, со затворени повеќето продавници, кафулиња и ресторани и забрана за собирање во затворени простории.