Ријалити ѕвездата Ким Кардашијан неодамна за магазинот „Vogue“ проговори за тема која долго време ја интригира јавноста, а тоа е нејзината врска со раперот и поранешен сопруг Канје Вест.
Тие ги потпишаа документите за развод во февруари 2021 година, а јавноста никогаш не дозна зошто се разведоа. Сепак, сега старлетата кажа нови детали.
– Долго време го правам она што ги радува другите луѓе и мислам дека последните две години решив да се усреќам себеси. И иако тоа резултираше со некои промени, а можеби и развод, мислам дека е важно да бидете искрени со себе за тоа што навистина ве прави среќни. Јас се избрав себеси. Мислам дека е во ред да се избереш себе си – рекла Ким.
Она што е многу интересно е што старлетата не употребувала грди зборови кога зборувала за својот сопруг, туку го правела спротивното од него.
– Можеш да бидеш повреден или лут на бившиот, но мислам дека децата секогаш мора да имаат став: „Тато е најдобар“. Постапете така што родителот до вас е вашиот најголем обожавател, без разлика низ што вие лично поминувате – изјавила Ким.
Некои го поврзуваат коментарот на Кардашијан со реакцијата на неодамнешните критики на Канје Вест, кој се запраша каков родител е Ким, со оглед на тоа што дозволила нивната најстара ќерка да отвори профил на TikTok.
– Постојаната потреба на Канје да ме напаѓа на интервјуа и на социјалните мрежи е многу поболна од било кој TikTok што Норт може да го создаде. Јас го правам најдоброто за да ја заштитам нашата ќерка, а од друга страна и дозволувам да ја изрази својата креативност на медиумот во кој сака под надзор на нејзините родители бидејќи тоа и носи среќа. Разводот е тежок за децата сам по себе, а опсесијата на Канје да манипулира со нашата ситуација само предизвикува страдање за сите нас – изјавила Ким.