Неверојатно чистата вода ви овозможува да го набљудувате подводниот свет без воопшто да се намокрите, а комбинациите на тиркизна и кралско сина вода со розови карпи ќе резултираат со фотографии за кои никој нема да верува дека се без филтер.
Дека Сардинија е совршена медитеранска оаза, не треба да се повторува. Но, дека во близина на Сардинија постои остров од соништата, идеален за бегство од се – можеби не е на одмет да се спомене.
Во близина на североисточниот брег на Сардинија се наоѓаат два мали острова, Таволара и Молара. И додека Таволара е карпест остров кој е поубав да се гледа од морето отколку да се биде на него, Молара веќе е место каде што ќе сакате да заспиете под сонцето во грмушките.
Ненаселените острови не се место каде што ќе можете да го поминете вашиот одмор, ниту пак се користат за тоа. Нивната привлечност лежи во она што ги опкружува, па затоа многумина доаѓаат на патување со брод. Тоа се т.н базени на Молара, прекрасни тиркизни морски предели идеални за пловење, нуркање, пливање…
Неверојатно чистата вода ви овозможува да го набљудувате подводниот свет без воопшто да се намокрите, а комбинациите на тиркизна и кралско сина вода со розови карпи ќе резултираат со фотографии за кои никој нема да верува дека се без филтри.
Во близина се наоѓа потонатиот брод Крисо, кој потонал на Нова Година 1974 година поради невреме. Иако екипажот го преживеал бродоломот, бродот засекогаш се закотвил во оваа прекрасна област, создавајќи посебен свет на вегетација и риби кои го опкружуваат.
Па, ако патот ве однесе до Сардинија, не ја пропуштајте можноста за патување. Можеби не се Малдиви, но ќе се чувствувате како да се.