Класичните салонки се добредојдени апсолутно за сите прилики, но на модната сцена оваа пролет доминира уште еден тренд.
Станува збор за кломпи кои можат да се носат на различни начини, без разлика дали се рамни кломпи или оние со потпетица или платформа.
Модните експерти истакнуваат дека оваа пролет во модата ќе има еднобојни, но и оние со впечатлив принт. Дизајнерите велат дека можат да се носат во сите прилики, па дури и во комбинација со елегантни фустани.
Овој модел предизвика поделени мислења кога првпат се појави на модната сцена. Имено, тие најпрво триумфално се појавија во колекцијата на Шанел дизајнирана од Карл Лагерфелд за сезоната пролет/лето 2010 година.
Пред тоа беа резервирани исклучиво за куќната варијанта. Само тие сезони беа популарни, а потоа исчезнаа од модната сцена. Годинава тие доживуваат враќање на големо, а она што ги прави миленици на многу дами е пред се нивната непобитна удобност.
Дали би носеле ваков модел?