ОВА Е ОМИЛЕНИОТ ТРЕТМАН ЗА КОСА НА МЕГАН МАРКЛ: Ја прави косата рамна, густа и свиленкаста, а достапен е за сите!

Која е тајната на здравата коса на Меган Маркл?

Се работи за кератински третман за коса, познат и како „бразилско фенирање“ и „кератинско исправување на косата“, веќе неколку години е еден од најпопуларните третмани за нега и трајно исправување на косата.

Овие третмани добија популарност поради чудесниот ефект на исправување, измазнување и спречување на ефектот на влага. Токму во тоа е неговата тајна – освен што ја прави косата свилена и сјајна, долгорочно ја штити од временските неприлики.

Од Бела Хадид, преку Ким Кардашијан, до Меган Маркл – многу познати личности се опседнати со кератин. Поранешната фризерка на војвотката од Сасекс, Теони Какули, изјави дека за Меган е исклучително важно нејзината коса да изгледа стилизирана и негувана секој ден, поради големиот број настани и појавувања во јавноста.

Подолу ви откриваме се што сте сакале да знаете за кератинското исправување на косата.

Што е третман со кератин?

Тоа е третман за исправување и измазнување на косата што го спречува природното виткање или она што е предизвикано од дожд и влага во воздухот. Овој револуционерен третман е вистински спас за сува, оштетена и непослушна коса, бидејќи го враќа нејзиниот сјај и виталност, и што е најважно – обезбедува долготрајни ефекти. Веќе нема да ви треба фенирање, пеглање или каков било стајлинг, а дури и да сакате да создавате бранови, тие ќе бидат меки, мазни и сјајни.

Дали е тоа хемиски третман?

Да, формалдехидот е неопходен за овој третман за да се коригира дури и највитканата коса. Бидејќи оваа хемикалија е многу штетна на други делови од телото, важно е третманот да го правите во докажан салон со знаење и искуство на експерти. Исто така, доколку имате чувствителни очи, носете очила за време на третманот.

Како изгледа третманот?

Планирајте да го закажете третманот кога имате многу слободно време, бидејќи обично трае околу 3-4 часа. Започнува со шампонирање, потоа косата се суши со фен, се нанесува кератин препарат, повторно се суши и на крај се пегла. Кога ќе излезете од салонот – имате сосема нова текстура на коса.

Колку долго трае ефектот на кератинскиот третман?

До четири месеци. Првото и основно правило за зачувување на ефектот на кератин е дека вашата коса мора да остане права и пуштена 24 часа. Грижата после третманот исто така игра огромна улога кога станува збор за тоа колку долго ќе траат резултатите. Се препорачува да користите шампон без натриум хлорид или многу нежен шампон без сулфат. Исто така, хлорот и солената вода имаат негативно влијание на кератинот, па затоа би било добро да избегнувате мокрење на косата додека престојувате на базен или на море.