Серијата „Gossip Girl“ се прикажуваше од 2007 до 2012 година, а една од главните причини за нејзината популарност беше модата.
Ликот што Лејтон Мејстер го играше пред повеќе од десет години сè уште служи како модна инспирација, а нејзиниот роденден денеска го искористивме како повод да се потсетиме на мал дел од комбинациите на Блер Валдорф кои би сакале да ги имаме во плакарот и денес.
Впрочем, Блер беше позната по нејзините класични и по малку старомодни кроеви, но нејзиниот моден израз имаше многу обожаватели поради фактот што таа им одолеа на трендовите и носеше комбинации составени од парчиња кои воопшто не беа досадни, туку многу, многу интересни, во што ќе се уверите кога ќе ги погледнете фотографиите подолу.