Избегнувањето разговори за пари и финансии може да биде причина за кавги во иднина
Според истражувањата, парите се една од најголемите причини за кавги во врската, а често несогласувањата околу финансиите доведуваат до семејни поделби.
Финансиите се сложена тема – понекогаш е срамота да разговарате за тоа со партнерите, тие не се чувствуваат опуштено или удобно, некои дури мислат дека тоа е непристојно, а понекогаш оваа тема целосно се игнорира.
Токму ова избегнување на разговорот за пари и финансии може да биде причина за идни кавги и напнатост во врската.
Затоа ви пренесуваме шест знаци кои покажуваат дека финансиите се голем проблем во вашата врска.
- Се споредувате со другите
Лесно е да се споредувате со другите – имам ли јас пари како нив? Каква им е куќата? Дали нивните деца одат во приватно училиште? Кога ќе го споредите вашиот однос со другите, на крајот секогаш ќе се чувствувате разочарани. Вистина е дека сите сме на различни позиции и дека не сите сме имале исти можности во животот.
- Не зборувате за пари
Приказната за парите и финансиите може да биде тешка, оптоварувачка, но е суштинска за успешна врска. Договорете се со партнерот кога ќе разговарате – не чекајте некој да потроши многу пари за купување или кога ќе се појават други финансиски проблеми.
Целта е мирно да се зборува за пари кога нема финансиски проблеми. Што разговарате во тој момент зависи од вас; начин на трошење пари, плаќање сметки или заштеда за нешто важно.
Важно е да одвоите време за разговорот за пари.
- Имате тајни за парите
Многу парови велат дека ги кријат своите потрошувачки навики од своите партнери. Ова на некој начин може да придонесе за чувството на предавство. Но, затоа и тука е важна комуникацијата, најдобро е искрено да признаеме кој колку и на што троши, без да се осудуваме.
- Одвојуватете пари и делите сметки
Немојте да ги користите парите како моќ, туку заедно направете буџет за домаќинството. И двајцата имате свои соништа и планови и на овој начин ќе ви биде полесно да ги остварите.
- Имате различни финансиски приоритети
Идеалната ситуација е кога двајцата партнери се одговорни во распределбата на парите, така што едниот не мора да внимава колку троши другиот. Секој има свои обврски, но ако едниот троши премногу на забава, а другиот би штедел, тоа се различни финансиски приоритети, што значи дека треба да се усогласат.
- Криете дека имате долгови
Парите се добар слуга, но лош господар. Ако ги криете своите долгови од партнерот, тоа значи дека треба да разговарате за тоа, бидејќи оваа ситуација не води кон добро.
Тоа е како да лажете, па единствената правилна опција е да признаете сѐ и заедно да ја решите ситуацијата.