На шестгодишна возраст, првото дете на принцот Чарлс и принцезата Дијана стана сериозно и научи учтиво однесување достојно за неговата титула, но дотогаш принцот Вилијам им нанесуваше големи маки на сите членови на семејството и на персоналот во палатата.
Во новата книга на Тина Браун се претставени интересни детали од детството на принцовите Вилијам и Хари, кои досега не ни биле познати. Како дете, принцот Вилијам бил многу палаво, разиграно, живо и тврдоглаво дете.
„До четиригодишна возраст, тој имаше непријатна навика да и вика на својата дадилка Барбара Барнс, велејќи и дека ќе ја казни кога ќе стане крал и дека не мора да ја слуша“, се вели во книгата.
Палавата природа на Вилијам во раното детство еднаш ја потврди и покојната принцеза Дијана, која рече дека нејзиниот постар син ги мачел сите околу него. Во тоа време, тој беше едноставно незапирлив, уриваше светилки и слики низ палатата, скокаше по масите и кршеше се што му се наоѓаше на патот.
На чуварите на Хајгроув им здосадило момчето постојано да ги прска со пиштол за вода, а во предучилишна возраст бил познат како „насилникот Вилис“.
Однесувањето на Вилијам ги полуде и неговите баба и дедо, кралицата Елизабета Втора и принцот Филип, кои тешко го следеа темпото на толку живо момче. Меѓутоа, на шестгодишна возраст, младиот принц се смирил и ги прифатил нормите на однесување во палатата, а проблеми почнал да прави неговиот помлад син, принцот Хари.
Хари еднаш го удрил својот татко Чарлс со измет од овца што ја зел покрај шталата на нивниот имот. Беше непријатен момент кога принцот Чарлс штотуку требаше да полета со хеликоптер на официјален ангажман.
