Сите се сеќаваат на симпатичното босо појавување на Џулија Робертс на премиерата на „Money Monster“ на Канскиот филмски фестивал во 2016 година. Годинава ги остави чевлите на нозе, но поради уште еден детал сите ќе ја паметат.
Актерката Џулија Робертс (54) се појави на проекцијата на филмот „Armageddon Time“ во рамките на третата вечер на Канскиот филмски фестивал и воспостави тотална доминација на црвениот тепих.
Во совршено скроен црн костум, таа ја покажа завидната фигура на 54 години, а сите останати беа маѓепсани од нејзината милионска насмевка. Толку многу што сите разголени убавици во атрактивни тоалети паднаа во втор план.
Пред шест години, познатата актерка беше главна тема на Канскиот филмски фестивал, кога се соблече и боса прошета среде црвениот тепих. Иако тогаш Јулија во изјава за медиумите во која објасни зошто ги соблекла чевлите не ја откри директно причината, многумина тоа го протолкуваа како бунтовнички потег кон организаторите на фестивалот.
“Многу работи се случуваа од моите зглобови па нагоре. Да не го заборавиме сето тоа. Многу време и напор е вложено во она над зглобовите. Сакам да се забележи – изгледав прекрасно синоќа”, изјави Џулија за австралиски „Sunrise“ за нејзиниот прекрасен црн фустан Armani Prive кој исто така заслужуваше внимание.
Симпатичен момент се случи и кога актерката побара од еден од вработените на фестивалот да и ги придржи чевлите, што тој со задоволство го направи.