Додека нè зафати топлотен бран, дел од нас размислува за освежување во морето, а дел размислува за постудени предели, планини, па дури и зима. А комбинацијата на екстремни услови и желби не потсети на магичен природен феномен наречен „penitente“.
Penitente е шпанското име за необичните снежни формации што можете да ги најдете на големи надморски височини и на глечерите. Неисцрпни купишта бели формации кои наликуваат на остри парчиња карпи или дијаманти, притиснати заедно и често „гледаат“ кон сонцето.
Дури и го добиле своето име поради сличноста со сцената на многу луѓе кои клекнуваат за време на покајание (penance) или свештеници за време на поворката на шпанската Света недела со зашилени качулки.
Во научната литература првпат ги опишал големиот Чарлс Дарвин во далечната 1839 година кога ги видел на пат од Чиле кон Аргентина. По тој повод тој напиша дека локалните жители веруваат дека овие формации се создадени под влијание на силните ветрови од Андите. Всушност, оваа теорија е присутна и денес, таа е само проширена со објаснувања за ниската температура и сувиот воздух кои доведуваат до сублимација на снегот, по што тој добива специфични форми.
Една од најубавите такви сцени може да се најде на 4.000 метри надморска височина, а не во студените, снежни, планински предели како што може да претпоставите.
Всушност, ќе ги видите во пустината Атакама каде стојат во различни големини, од само неколку сантиметри до дури осум метри. На некои места се толку компресирани („како сардини“) што не можете ни да ги пробиете, но барем сакаат да позираат и се многу фотогенични 😉
