Ова совршено место му било опишано како место каде што се спојуваат сонцето и месечината, место кое наликува на рајот и најубавите соништа. Но, кога нешто звучи премногу добро за да биде вистина, обично е…
Сите сме слушнале за Шангри Ла во одреден момент, но ако некој не праша каде точно се наоѓа и дали воопшто постои, одговорите би биле различни – а некои дури и не би ги имале. Култното место во планините Кунлун го запознавме во романот Изгубен хоризонт на британскиот писател Џејмс Хилтон од 1933 година.
Во романот Шангри Ла се споменува како утопија каде луѓето живеат во хармонија со природата, а нивниот животен век достигнува стотици години, па ова совршено место стана легендарен симбол на нешто што не постои во реалниот свет (и тешко дека може да постои).
Значи, од каде потекнува името Шангри Ла? Шангри Ла е име што се споменува дури и во неколку антички списи и будистички записи и фолклорни приказни. Тие можеби служеле како инспирација на Џејмс Хилтон за романот. Тој патувал и низ Кина и ги опишал нејзините зелени долини опкружени со планини, па може да се претпостави дека наишол на овој концепт.
Ова совршено место му било опишано како место каде што се спојуваат сонцето и месечината, место кое наликува на рајот и најубавите соништа. Но, кога нешто звучи премногу добро за да биде вистина, обично е така.
Во кинеската провинција Јунан, од 2001 година постои истоимено гратче. Сепак, дали навистина постои Шангри Ла за каков што сме слушнале романтични приказни – сè уште не е познато. Низ Далечната Азија можете да слушнете приказни за тоа како постоел Шангри Ла, „токму овде“ или „токму таму“, од Тибет до Јунан, но нема конкретни докази за тоа.
Постоел или не, Шангри Ла засекогаш влезе во книгата на мистични места и симболи, ако ништо друго тогаш барем како инспирација за подобар и поубав свет кон кој треба да се стремиме.