Добро знаете дека Данците имаат hygge, дека со години се меѓу најсреќните народи во светот, дека се прилично отворени и живеат убави животи. Па, ако веќе е така и ако има добри навики, не е лудо ниту да ги копирате… Порталот Брајтсајд ви претставува пет работи кои дефинитивно треба да се преземат од овој народ на северот на Европа, а кои исто така придонесуваат за зачувување на планетата.
Супермаркет кој продава храна и по нејзиниот рок
Статистиката вели дека една третина од целата храна произведена за човечка исхрана се троши залудно. Отпадот од храна, исто така, придонесува за климатските промени бидејќи неговото производство и дистрибуција бара значителни количини на енергија и вода. Во борбата против отпадот од храна, Данска го отвори првиот супермаркет каде производите со изминат рок или оштетена амбалажа се продаваат со попуст. WeFood продава производи кои се отстранети од други продавници, но сепак се целосно безбедни за употреба. Со намалување на количината на потрошена храна, овој супермаркет прави ефикасен чекор во борбата против климатските промени.
Продажба на кафе во рециклирани кеси
BKI Foods е данска компанија која претставува пример за развој на нови одржливи решенија. Новата кесичка за кафе може 99 отсто да се рециклира. Иако промената е невидлива за око, промената на материјалот ја намалува тежината на пластиката во производството за 15 проценти. Благодарение на ова, јаглеродот во производството е намален за 23 проценти и што е најважно за сите љубители на кафе, кафето сè уште има ист вкус.
Велосипеди наместо автомобили
Загриженоста за загадувањето на воздухот и климатските промени го претворија Копенхаген во најпријателскиот град за велосипеди. Бидејќи 9 од 10 Данци поседуваат велосипед, не е чудно што во 2018 година во Копенхаген имало 675.000 велосипеди и само 120.000 автомобили. Благодарение на мрежата на патеки и иновативни мостови, Копенхаген е едно од најбезбедните места за велосипедистите.
Подземни музеи
Националниот поморски музеј се наоѓа во близина на замокот Кронборг, амбиентот на Шекспировиот Хамлет. Со цел да се зачува погледот од светското наследство на УНЕСКО на кое се наоѓа Кронборг, целиот музеј бил изграден под земја. Ѕидовите на столбовите стари 60 години се целосно недопрени, а галериите се наоѓаат под земја. Оваа позиција го прави пристаништето централен дел на изложбата и е едно од местата што треба да се посетат во Копенхаген.
„Нов живот“ на турбините на ветер
Данците сериозно го сфаќаат животот без непотребно фрлање на работите. Така, градот Алборг најде нова употреба за старите турбини на ветер кои повеќе не се во употреба. Имено, тие се направени од материјали кои тешко се рециклираат, па не се фрлаат, туку се претвораат во засолништа за велосипеди. Универзитетот во Стратклајд проценува дека до 2050 година ќе има многу отпад од турбините на ветер, па нивната повторна употреба ќе ја намали побарувачката за нов челик и ќе го намали јаглеродот произведен во производството на бетон.