Пејачката Северина веќе неколку дена престојува на Корчула и се одмара во друштво на најблиските пријатели и соработници. Синоќа таму заплови и јахта во која ужива холивудската елита, а не помина многу време и средбата беше овековечена на социјалните мрежи.
Екипата со која Северина традиционално летува деновиве се наоѓа на прекрасниот остров Корчула, а деновите најмногу ги поминуваат на блиските острови Врник и Бадија.
Откако холивудските гиганти Метју Меконахи и Вуди Харелсон ја паркираа својата јахта вчера во пристаништето на Корчула, не требаше многу да се сретнат овие два тима.
Соња Дворник, фотографката од Сплит и блиска пријателка на Северина, ја покажа својата фотографија со актерите. Таа гордо позираше покрај заводникот Меконахи, а потоа и неговиот колега Харелсон.
Ова познато дуо од малите екрани со денови ужива на Јадранот, на мултиметарска луксузно опремена јахта, на која им се придружија Крис Рок и неговата девојка Лејк Бел. На бродот е и Саша Барон Коен, а со нив е и тапанарот на Металика, Ларс Улрих. Познатата екипа заедно оди на одмори од 2018 година.
Поголемата група за својот одмор изнајмила една од најлуксузните суперјахти наречена Serenity. Досега ги посетиле Истра, Сплит, Хвар, Дубровник и Корчула.
