Во свет кој е поделен на речиси 200 земји, природните ресурси не се распределуваат „солидарно“. И во свет каде што се повеќе се зборува за недостиг на вода, некои земји се целосно лишени од нешто што често се зема здраво за готово: реките.
Додека Русија има илјадници реки, една голема и богата земја нема ниту една. Понекогаш земјите како што се Бахамите, кои имаат само една река (останатите се потоци) спаѓаат во оваа категорија.
Сепак, има повеќе земји без ниту една река отколку што може да се мисли, околу 15, а ова се некои од нив:
1. Либија: Реките доаѓаат и си одат
Северноафриканската пустинска земја не може да се пофали со ниту една постојана река. Она со што може да се пофали е т.н Голема вештачка река. Тоа е огромен цевководен систем кој ја наводнува земјата по должина и попречно и сочинува 70 отсто од изворите на вода за пиење во Либија. Некои ја сметаат за најголемата во светот, а поранешниот либиски лидер Моамер Гадафи го нарече чудо на светот. Што е, тоа е – зафатот е импресивен.
2. Бахреин: Стабилна нула
Островот Кралство Бахреин, исто како и Либија, нема постојани реки. Понатаму, податоците за периодот помеѓу 1972 и 2017 година покажуваат дека нивото на течноста на површината остана стабилно: „околу нула милијарди кубни метри годишно“.
3. Саудиска Арабија: Десалинизацијата како решение?
Се претпоставува дека земјите на кои им недостига вода се пустински земји, па затоа не е чудно што на листата се најдоа и земјите од Арапскиот Полуостров. Но, она што изненадува е дека толку голема земја, која зафаќа површина од 2.150.000 квадратни километри, нема ниту една река – а сепак обезбедува вода за 34.000.000 жители.
Речиси половина од водата за пиење доаѓа од десалинизација на морска или соленкава вода. Многумина се прашуваат дали ова е решението за иднината на светот, каде што се почесто зборуваме за недостиг на вода.
4. Ватикан: најмалата земја на светот без река
Толку блиску, а сепак толку далеку – може да се каже за минијатурниот Ватикан, кој сам по себе нема река (некои би рекле дека нема место за река), но е оддалечен околу 400 метри од италијанската река Тибар. Тибар се повеќе е предмет на јавни дебати поради загадувањето на водата, па можеби и Ватикан не е незадоволен што нема река. Нешто губиш, нешто добиваш – во овој случај добиваш помала грижа.
5. Малта: Голиот бисер на Медитеранот
Заедно со Ватикан и Монако, кои се толку мали што не е многу шокантен фактот дека немаат река, Малта е третата и последна европска земја која нема ниту една река. Згора на тоа, нема (постојано) езеро. Ако погледнете на сателитска снимка на овој остров во средината на Медитеранот, ќе забележите еднообразни сиво-кафени тонови, со само неколку траги од зелена боја. Сепак, погледот кон морето и радоста секогаш остануваат кога прогнозата предвидува дожд.