Поради својата необична форма, но и начинот на кој се вклопува во околината, оваа камена куќа стана вистинска туристичка атракција, која често ја нарекуваат куќа на Кременко…
Casa do Penedo или Камената куќа е архитектонски споменик лоциран во северна Португалија во планините Фафе. Името го добила по четирите монументални парчиња гранитна карпа кои ја играат улогата на темелот, ѕидовите и покривот на куќата.
Поради својата необична форма, но и начинот на кој се вклопува во околината, оваа камена куќа стана вистинска туристичка атракција, често наречена куќа на Кременко. Иако се наоѓа веднаш до парк со ветерници, во куќата нема струја.
Casa do Penedo се градела околу две години – од 1972 до 1974 година. Најпрво сопствениците ја користеле како викендица, но денес е претворена во музеј каде што можете да погледнете фотографии и други експонати поврзани со нејзиното минато. Се организираат и разни туристички тури, од ручек во необичната куќа до капење во планинскиот базен кој се наоѓа веднаш до неа.
Но, не сите посетители се добронамерни, па токму затоа сопствениците на прозорците поставиле стакла отпорни на куршуми за да ја заштитат од вандали, но и тешка железна врата која не може да се пробие.