Сите знаат колку медот позитивно влијае на имунитетот, но количината на овој природен засладувач не е секогаш иста за секого, предупредува руската нутриционистка Ана Кошечкина.
– Не постојат јасни стандарди кои би ја одредиле точната количина на мед што може да се јаде во текот на денот. Ако човек јаде многу слатки, јаглехидрати, гликоза и фруктоза секој ден, тогаш дефинитивно не треба да претера со медот. Можеме да претпоставиме дека просечниот човек јаде околу 100 грама шеќер дневно, а препораката е нешто помала – од 70 до 90 грама. Шеќерот се наоѓа во речиси сите намирници. Затоа е корисно да консумирате не повеќе од три до пет лажички мед дневно за да имате корист, но да не му нанесете штета на вашето тело, како на пример, зголемување на телесната тежина, појава на кариес… – објаснува Кошечкина.
Покрај количината, многу е важно во кое време од денот го консумирате медот.
– Мислам дека зависи од тоа со што го јадете. Ако се комбинира со производи кои содржат кофеин, тогаш е подобро наутро. На пример, чај или кафе со мед најдобро се пие пред пладне. Медот не содржи супстанции кои се важни да се земаат во одредено време од денот. Но поради тоа што има многу јаглехидрати, веројатно е подобро да се консумира во првата половина од денот, за телото да има време да ги искористи овие состојки за енергија, а не за да ги претвори во масти – советува нутриционистката.