Во Италија има села каде што куќите се продаваат по цена на шоља кафе, а има села и градови кои се спремни да ви дадат голема сума пари за да се преселите кај нив. Од неодамна Италија го има првиот регион каде туристите можат да дојдат на платен одмор.
Имено, регионот Фриули-Венеција Џулија на североистокот на земјата ќе ги плати патните трошоци за секој што ќе пристигне таму од некој италијански град, доколку таму пристигне со воз.
Ако тоа не ви е доволно кога ќе се најдете во Италија, можете да добиете и бесплатни билети за музеи, бесплатно користење на јавниот превоз и бројни други попусти.
Има само еден услов: мора да останете најмалку две ноќевања на одмор. Но, бидејќи тоа е регион со богата историја, прекрасни планини, километри и километри вински туризам и некои од најдобрите плажи во Италија.
Оваа понуда важи од октомври и ќе трае до 31 март 2023 година. Во овој период, локалната туристичка асоцијација PromoTurismoFVG ќе му рефундира пари на секој што ќе пристигне со воз во Трст, Удине или некои од крајбрежните градови како Града или Лињано Сабјадоре, сѐ со цел одржлив туризам.