За да бидете сигурни дека јајцата се свежи и безбедни за јадење, можете да проверите со тест на водата, мирисот или изгледот.
Тест на водата
Еден од најпопуларните методи за проверка на состојбата на јајцето е да го ставите во чаша вода. Ако потоне и лежи хоризонтално, свежо е, но ако плови, тогаш е расипано и не треба да се јаде. Тоа е затоа што гасовите во јајцата на крајот излегуваат низ малите пори во лушпата. Така, како што пишува Метро, јајцето постепено ја губи масата, што доведува до плутање.
Тест на мирис
Ако не сте сигурни кога сте ги купиле јајцата, постои лесен начин да ја проверите свежината со нивниот мирис. Скршете го јајцето во сад и ако испушта силен мирис на сулфур, време е за во канта.
Тест на изглед
Ќе знаете дали јајцето е свежо ако ја погледнете бојата и конзистентноста кога е сирово. Ако забележите промена на бојата на жолчката или белката, особено розови, сини, зелени или црни дамки, треба да го фрлите јајцето.
Исто така, ако јајцето има напукната или лигава лушпа, тоа може да значи дека е загадено со бактерии. Всушност, јајцето мора да има цврста портокалова или жолта жолчка, а белката мора да биде густа, а не премногу течна. Ако жолчката е течна, јајцето може да е расипано.
Тест со тресење
Иако можеби звучи чудно, и тресењето на јајцата може да покаже дали се свежи. Ако слушнете воден звук откако ќе ги протресете, тоа значи дека се стари и потенцијално расипани.