По Супербоулот одржан во неделата и настапот на познатата Ријана, разговорот не престанува за нејзината црвена облека – светло црвен комбинезон Loewe, кожен макси капут од Alaïa, MM6 Maison Margiela x Salomon патики, но исто така детали како рачниот часовник Jacob Brilliant Skelton Northern Lights и црвено обоени нокти и усни.
Но, црвениот аутфит не е случајност, ниту пак црвената боја е избрана само од причина што е впечатлива на сцената.
Според најновите модни ревии на неодамна одржаните модни недели во Њујорк и Копенхаген, црвената е следниот голем тренд.
Екстраваганција, театрален изглед, ексцентричност, гламур, романтика, провокација – сето тоа се крие зад чудесните пердуви како детали од модните креации.
Од светло црвена до онаа која е проткаена со розови, портокалови или повеќе пригушени тонови, црвената (повторно) е на модното поле. Силна и секси, таа окупираше сè, од прекрасни фустани до јакни, панталони, чанти, чевли…
И за крај, да не заборавиме да погледнеме наназад на Доџа Кет која беше во центарот на вниманието за време на ревијата на високата мода на Скиапарели – во екстравагантно црвено издание кое шокира и импресионира во исто време. Сега знаете со која боја нема да погрешите оваа пролет.