Хитот беше сертифициран како двојно платинест и беше вклучен во 500-те најдобри песни на сите времиња
Елтон Џон испеа бројни хитови, а еден од најголемите е „Rocket Man“. Во новото видео на Инстаграм, познатиот музичар зборуваше за оваа песна, која ја сними во соработка со текстописецот Берни Топин.
„Мислам дека „Rocket Man“ беше нашата прва песна број еден. И тоа беше на плочата „Honky Chateau“. Беше прилично лесна песна за пишување на мелодијата, бидејќи е песна за вселената, така што е прилично пространа. “, рече Елтон Џон
Хитот беше сертифициран како двојно платинест и беше вклучен во 500-те најдобри песни на сите времиња на „Rolling Stone“, пишува „Daily Mail“.
Берни Топин потоа откри дополнителен извор на инспирација за песната „Rocket Man“.
„Тоа всушност беше песна инспирирана од Реј Бредбери од неговата книга со научно-фантастични раскази наречена „Илустрираниот човек“. Во таа книга имаше приказна наречена „Човек ракета“, која беше за тоа како астронаутите во иднина ќе станат некој вид на секојдневна работа, па некако ја прифатив таа идеја и „потрчав“ со неа“, изјави Топин.
Елтон Џон беше изненаден од ова сознание.
„Знаете, јас никогаш не го знаев тоа…“, рекол музичарот.
Елтон Џон – “Rocket Man”: