Посетата на еден од најубавите градови во Полска може да биде далеку од вообичаена. За љубителите на поинаков начин на запознавање дестинации, Вроцлав нуди бројни атракции.
Бидејќи се работи за град кој лежи на реката Одра и нејзините пет притоки, очекувано, многу интересни места во Вроцлав се наоѓаат веднаш до брегот.
Во градот има бројни речни острови, како и паркови и многу културни и историски знаменитости.
1. Пазарен плоштад Ринек
Вториот по големина плоштад од ваков вид во Полска, веднаш по оној во Краков според „Wroclawguide“, се смета за еден од најубавите на европско тло.
Иако самиот плоштад е опкружен со станбени згради, во него се наоѓа и поранешната зграда на Градското собрание. Изградена во готски стил во текот на 13 век, таа е препознатлив симбол на Вроцлав.
Интересен е и погледот на две мали, поврзани станбени згради, кои се познати како „Ивица и Марица“.
2. Мост на покајниците
Иако не е највисоката глетка во градот, пешачкиот мост на височина од 45 метри, кој ги поврзува двете кули на црквата посветена на Марија Магдалена, секако нуди интересен поглед на Вроцлав.
До него водат дури 247 скалила и е отворен за посета во секое време од годината. Цената на билетите се движи од едно до две евра, во национална валута, додека за децата до пет години е бесплатно.
3. Островот на катедралата
Најстариот дел од градот на реката Одра се смета и за најубав. Овој остров е познат по својата катедрала посветена на Свети Јован Крстител.
Посебно е интересно да се посети во вечерните часови, поради уникатната традиција. Имено, секоја вечер во самрак „лмпашот“ ги пали фенерите на зградите на островот.
4. Островот Слодово
Бидејќи јавното консумирање алкохолни пијалоци е забрането во земјата, островот Слодоу во Вроцлав е единственото место каде што е дозволено. Затоа и не е чудно што е чест избор, особено кај младите.
5. Реката Одра и нејзините мостови
Со причина, Вроцлав се споредува со Венеција. Освен реката Одра, низ градот течат уште четири нејзини притоки. Со околу 130 мостови, овој полски град е на петтото место во Европа по број.
Посебно привлечна е понудата на организирани крстарења, кои нудат сосема поинаков поглед на Вроцлав.