Обилните дождови се суштински дел од пролетта и есента во Норвешка, но тоа не ги спречува локалните жители да уживаат на отворено. Проблемите се јавуваат кога патиштата се полнат со вода и не само што им го отежнуваат поминувањето на возачите, туку можат да им го уништат денот на пешаците.
Ако кренете бран вода со автомобилот од страната на патот и со неа испрскате случаен минувач во Норвешка, очекувајте парична казна.
Веб-страницата The Norway Guide, која ја претставува земјата во северна Европа, нејзината култура и обичаи, истакнува дека прскањето на минувачите со вода при возење автомобил е незаконско. Сите возачи треба да бидат внимателни кон возачите.
Ако испрскате вода кон пешак додека возите во вашиот автомобил, очекувајте да бидете казнети. Моментално казната изнесува 4.000 норвешки круни или околу 336 евра.
Како да го спречите тоа сценарио ако се најдете зад воланот и на норвешки пат полн со вода? Возачите се охрабруваат да ја забават брзината кога возат покрај пешаци за да спречат прскање.
Прскањето на пешаците е забрането и во некои други земји во светот. Во некои делови на Соединетите Американски Држави, може да бидете казнети со 175 долари ако се открие дека намерно сте испрскале пешаци со вода и ве пријават.
Според Законот за патен сообраќај на Обединетото кралство од 1988 година, прекршок е да се вози без разумна грижа за другите луѓе, а тоа вклучува возење низ локва што предизвикува прскање на пешаците. Максималната можна казна за овој прекршок е 5.000 фунти, но обично се наплаќаат околу 100 фунти.
И во Јапонија е забрането прскање пешаци со дождовница. Ако потопите случаен пешак со вода додека поминувате покрај него во вашиот автомобил, ќе мора да платите казна до 7.000 јени или околу 45 евра.