Дали сте виделе патници како непримерно се однесуваат со кабинскиот екипаж во авионот? Ова неприфатливо однесување не само што им пречи на професионалците вработени во авиокомпанијата, туку и ги нервира патниците.
Дури 9,1 од 10 анкетирани во истражувањето на Cruise Nation истакнуваат дека тоа е најнепријатното нешто што најмногу им пречи на одмор.
Испитаниците во истражувањето на оваа компанија за буџетски крстарења со седиште во Велс морале да ги рангираат иритирачките однесувања на одмор со оценки од 1 до 10 и на тој начин создале листа на работи што дефинитивно треба да се избегнуваат.
Луѓето кои оставаат ѓубре на плажа или околу базенот се рангирани на второто место во рангирањето на најнепријатните работи што луѓето ги прават на одмор, додека третото место е резервирано за сите оние кои грубо се однесуваат кон угостителскиот персонал во хотелите и рестораните.
Во просек, испитаниците се потолерантни кон луѓето кои се пијани на избраната дестинација отколку во авион. Не се толерираат ниту луѓето кои пуштаат гласна музика.
10-те најдосадни работи што луѓето ги прават на одмор според истражувањето на Cruise Nation:
– Грубост кон кабинскиот екипаж во авионот
– Оставање ѓубре на плажа и околу базенот
– Непристојност кон персоналот во рестораните и хотелите
– Пијанство во авионот
– Клоцање на седиштето пред вас во авионот
– Пристигнување премногу доцна на аеродромот
– Пијанство на избраната дестинација за одмор
– Оставање пешкир на столици во хотел за да резервирате место
– Пуштање гласна музика во хотелот
– Оставање ѓубре на маса во рестораните на аеродромот