При организирањето на одмор, најважна ставка за секого, покрај парите се разбира, е со кого да оди на патување.
Многумина од нас понекогаш чувствуваат потреба сами да отпатуваат некаде, но не можеме да се одлучиме за таа насока, или за да не навредиме некој близок, или се водиме од идејата дека ќе ни биде досадно или небезбедно на соло патување.
На крајот, не се оди никаде од прекумерното комплицирање и премислување.
Постојат неколку многу добри причини зошто понекогаш е подобра одлука да се оди на соло патување:
1. Слобода. Сами сме, не постои никој или ништо што може да не спречи или да не поколеба во донесувањето одлуки.
2. Можеме да го испланираме совршеното патување. Вие сте командантите, шефовите.
3. Ќе ни биде полесно да запознаеме нови луѓе, бидејќи не се фокусираме само на личноста или друштвото со кое патуваме.
4. Со кого и да патуваме, треба да ги прифатиме нивните навики. А некои навистина можат да бидат досадни, нели?
5. Соло патувањето ќе ја зголеми самодовербата.
6. Го имаме целото време на светот за сопствените мисли и за „полнење на батериите“ на наш начин.
7. Кога патуваме сами, секогаш ќе откриваме нешто ново за себе.
8. Ако не сме задоволни со љубовниот живот, соло патувањето е идеално за ненадејна романса.