Се породи ќерката на познат холивудски актер
Ќерката на Болдвин откри и какво име му дала на своето новородено девојче.
Ќерката на Алек Болдвин, Ајрланд, позната манекенка и актерка, роди ќерка.
Таа и музичарот „RAC“ добија ќерка со која набрзина се фотографираа за социјалните мрежи, па на сите им ја соопштија радосната вест.
– Холанд – ја потпиша објавата Ајрланд и на тој начин, според странските медиуми, открила какво име му дала на новороденото девојче.
Со овој потег таа воодушеви многумина, со оглед на тоа што сега и мајката и ќерката носат имиња на држави (Ирска и Холандија).
Ајрланд, инаку, е ќерка на Алек од бракот со Ким Бесинџер. Таа се прослави откако во 2013 година потпиша договор со „IMG Models“, а истата година беше фотографирана во костим за капење за „Њујорк пост“.