Целиот свет летово е обоен во розово бидејќи не дели помалку од еден месец од прикажувањето на филмот за Барби. Откако Warner Bros и Mattel го најавија претстојниот филм за иконската кукла во 2019 година, исчекувањето само расте.
За најновата филмска авантура на американската режисерка Грета Гервиг се зборува веќе неколку години, а сега конечно имаме можност подлабоко да погледнеме во розовиот свет на најпопуларната кукла во светот.
Airbnb одлучи да ја почести јавноста со одмор каков што ретко се гледа. Пред премиерата на филмот, тие отворија резервации за светло розовата куќа на Барби, сместена во магичното Малибу.
Куќата се наоѓа веднаш до плажата, терасата нуди панорамски поглед на фотогеничното крајбрежје, а внатрешноста изгледа како куќата со која си игравме како малечки – само во многу поголема верзија.
Во вилата може да се ужива на 21 и 22 јули, а регистрациите ќе бидат можни од 17 јули. Станува збор за две поединечни ноќевања за максимум две лица, а се уште не се знае како организаторите ќе ги изберат среќните.
На веб-страницата Airbnb се наведува дека посетителите за време на престојот ќе можат да ја разгледаат гардеробата на Барби, да играат улога на каубојци, да се релаксираат во базенот, да користат ролери на подот во дискотеката и да уживаат во вкусните оброци.
Во куќата можете да ја користите теретаната, да правите скара, да уживате во лежалка покрај базенот и да пиете коктели во розовиот Барби бар.
На веб-страницата, исто така, се наведува дека ова не е натпревар и дека гостите се одговорни за организирање на сопственото патување во Малибу. Престојот во двокатна куќа со розови ѕидови и базен е сон на секоја девојка, а токму тоа е главната цел на овој проект.
„Во знак на прослава на претстојниот филм и зајакнувањето на девојките ширум светот, решивме да отвориме резервации за магичната куќа на Барби. Airbnb ќе испрати еднократна донација на организацијата Save The Children, која собира ресурси и ги испраќа во повеќе од 100 земји, промовира учење и еднакви можности за сите деца“, напишаа тие.
