Европа е разновиден континент полн со прекрасни места и градови кои вреди да се доживеат во живо. И сосема е безбеден за патување. Но, со секое патување постои одредена доза на ризик. Некои места се сметаат за понебезбедни од другите.
Се прашувате што го прави градот небезбеден? Количината на кривични пријави? Природни непогоди? Бројот на терористички напади или туристички измами? Всушност, тоа е комбинација од сите овие фактори.
Добро познатата глобална корисничка база на земји и градови – Numbeo – го пресметува индексот на криминал врз основа на податоците на своите корисници. Тоа е проценка на вкупното ниво на криминал во одреден град или земја.
За да се добие индексот на криминал, се зема во предвид општата перцепција на нивните корисници за нивото на криминал, чувството на сигурност во текот на денот и ноќта на некое место, загриженоста за можна кражба, грабеж, физички напад или дискриминација врз основа на боја на кожа, етничка припадност, пол. или вера.
Numbeo смета дека нивото на криминал е многу ниско во градовите со индекс на криминал од 20 или помалку. Градовите со индекс на криминал помеѓу 20 и 40 имаат низок криминал, меѓу 40 и 60 умерен и меѓу 60 и 80 висок. Нивоата на криминал кои се сметаат за многу високи се оние со индекс на криминал повисок од 80. За среќа, ниту еден град во Европа нема индекс повисок од 65.
Катанија на италијанскиот остров Сицилија е рангирана на прво место според европскиот индекс на криминал во 2023 година, потоа Марсеј во Франција и Бирмингем во Британија. Во рангирањето на 20-те најопасни европски градови според индексот на криминал, најголем број доаѓаат од Франција – дури седум, а четири од Обединетото Кралство.
На листата е и нашиот главен град, кој за жал се смета за најнебезбеден град во регионот на 39 место со индекс на криминал од 46,9. Загреб на пример, е на 120 место со индекс на криминал од само 22,2.
20 европски градови со највисок индекс на криминал според анализата на сајтот Numbeo:
- Катанија, Италија, индекс на криминал 64,6
- Марсеј, Франција, индекс на криминал 64,4
- Бирмингем, Обединетото Кралство, индекс на криминал 63,1
- Ковентри, Обединето Кралство, индекс на криминал 63.1
- Шарлроа, Белгија, индекс на криминал 62,8
- Неапол, Италија, индекс на криминал 62,6
- Монпеље, Франција, индекс на криминал, 61,6
- Лиеж, Белгија, индекс на криминал, 59,4
- Гренобл, Франција, индекс на криминал, 58,7
- Нант, Франција, индекс на криминал, 58,4
- Париз, Франција, индекс на криминал, 57,1
- Малме, Шведска, индекс на криминал, 56,2
- Атина, Грција, индекс на криминал, 55,7
- Ница, Франција, индекс на криминал, 55,2
- Манчестер, Обединетото Кралство, индекс на криминал, 54,9
- Брисел, Белгија, индекс на криминал, 54,5
- Днипро, Украина, индекс на криминал, 54,1
- Лион, Франција, индекс на криминал 53,9
- Лондон, Обединетото Кралство, индекс на криминал 53,9
- Одеса, Украина, индекс на криминал, 53,6