Пролетта и летото се незамисливи без бели патики, но сите знаеме колку е тешко да ги одржуваме чисти.
Белите патики се незаменлив дел од секојдневниот аутфит кога е убаво времето, а бидејќи правилата во модата се сменија, можете да ги носите и со елегантно сако. Значи, ви требаат. Сепак, сите знаеме колку голем проблем е кога белите патики се валкаат. Не е лесно да ги исчистите за да ја вратите нивната белина, а перењето и сушењето во машина за перење не доаѓа предвид дури и во најнежниот циклус бидејќи патиките можат да ја променат формата.
Помош од кујната
Оцетот е магичен отстранувач на дамки. Потопете крпа во него и нежно исчистете ги патиките. Можете да измешате оцет, вода и лажичка сода бикарбона за да ја направите смесата густа. Потопете стара четка за заби во неа и исчистете ги патиките.
Бел лак за нокти
Најбрзиот начин да ги поправите оштетените делови на патиките, гребаниците и малите набори е со бел лак. Така ќе ја сокриете штетата за секунда и ќе го освежите нивниот изглед.
Шампон и топла вода
Доколку случајно сте згазиле во автомобилско масло или ви истуриле некоја друга мрсна течност на патиките, проблемот лесно можете да го решите со шампон и топла вода. Истријте ја дамката со стара четка за заби и патиките ќе бидат како нови, пренесува „Lepa&Srećna“.