Најло, Музејот на жива уметност, е уште една локална институција која изложува современи дела. Навистина е забавно да одите на италијанска храна и пијалоци во ресторанот La Primavera на приземјето на зградата, а потоа да се качите на катот за да ја доживеете инспиративната уметност. Влезот во сите галерии е бесплатен.
За жал, повеќето од нас не го виделе Рејкјавик, но ако одиме наскоро, дефинитивно би ги послушале советите на оние што живеат таму. Една таква статија е објавена на британски Гардијан, а ние носиме неколку совети кои ни изгледаат мудри, за што подобро да ја запознаеме исландската престолнина…
Гастрономија
Кога поради пандемијата паднале кириите во центарот на градот, биле отворени многу амбициозни продавници, кафулиња и ресторани, а не долго потоа се случила ревитализација на градот. Неодамна е отворено веганското кафуле „Plantan“, а нивните супи, сендвичи и колачи се навистина добри и здрави.
Уште едно одлично место е „Kaffi O-le“, каде се подготвува најдоброто кафе во градот. Во 2020 година, тројца пријатели од детството Нуми, Атли и Адалштајн отвориле мал ресторан наречен Хосило. Секогаш има три опции за главни јадења – риба, месо и веганско, така што по нешто за секого. Тоа е мал простор, па најдобро е да резервирате маса однапред.
Уметност
„Marshall House“ е културен центар во поранешна фабрика за риби во близина на старото пристаниште. Има три галерии под еден покрив: уметничкиот „Kling & Bang“ е домаќин на изложби на млади уметници од андерграунд сцената, како и поголеми, етаблирани имиња, а во просторот штотуку беше отворена и нова галерија.
„Nylo, Living Art Museum“, е уште една локална институција која изложува современи дела. Навистина е забавно да одите на италијанска храна и пијалоци во ресторанот „La Primavera“ на приземјето на зградата, а потоа да се качите на катот за да ја доживеете инспиративната уметност. Влезот во сите галерии е бесплатен.
И, конечно, треба да се спомене „Mengi“, неверојатно место во кое се одржуваат уметнички настани и концерти и сè што е измеѓу, па затоа вреди да се провери за да се види што се случува кога сте во градот.
Природа и капење
Локалните базени се нешто што локалното население многу го цени, а оној со име „Sundhollinn“ е најстариот затворен базен во Рејкјавик, дизајниран од Гудјон Самуелсон.
Плажата „Nautholsvik“ е исто така убаво место за посета. Морската вода е геотермално загреана со температури кои во лето достигнуваат од 15-19 степени. Луѓето пливаат во лагуната, а потоа уживаат во топлите кади, песокот и парните соби. Некои мештани, исто така, пливаат овде во зима.
Што се однесува до зелените површини, во Хајдморк, на околу 15 минути возење од Рејкјавик, има шума, прекрасно езеро и многу патеки за истражување меѓу формациите на лава.
Ноќен живот
Можеби поради релативно малата површина на Рејкјавик, тука нема големи, независни клубови. Наместо тоа, баровите се претвораат во клубови, а луѓето танцуваат до доцна во ноќта. Добро место за посета е „Rontgen“, каде што прават одлични коктели, а во одредени моменти доаѓа диџеј и сите танцуваат до раните утрински часови.
Има и навистина кул вински бар наречен „Mikki Refur“ – тоа е кафуле дење и служи природни вина и мали залалчиња навечер. Сличен концепт негува и „Vinstukan bar“, кој служи одлични вина.