Лоциран на брегот на Финска во Балтичкото Море, островот наречен SuperShe е веројатно еден од најпосебните во светот.
Овој остров е толку посебен затоа што голем дел од светската популација не може да стигне до него, поточно – никој од машки род!
Имено, пред неколку години една претприемачка ја продаде својата компанија и го купи ова парче рај на Земјата,со цел да создаде совршена оаза исклучиво за жени.Сите жени од понежниот пол можат да поминат неколку дена на овој остров и да се посветат на себе,на своето тело, ум, душа.
Како е создаден островот за жени
Заедницата попозната како SuperShe, која ги обединува жените ширум светот за да си помагаат меѓусебно да живеат здрави овластени животи,е замисла на Кристина Рот, која до пред неколку години водеше консултантски бизнис вреден неколку милиони евра.Таа одлучи да ја продаде својата компанија за да проба нешто сосема ново, пишува Putnikofer.hr.
“Решив да ја фокусирам енергијата на нешто забавно и нешто што ме инспирира, па создадов мрежа од силни жени. Така дојдов до идејата за островот SuperShe. Сакав да им дадам простор на жените да бидат тоа што се и учат едни од други, далеку од надворешниот свет“, изјави оваа успешна жена за која пишуваа највлијателните светски медиуми при лансирањето на проектот.Откако проектот беше лансиран во 2018 година, островот ја освои имагинацијата на жените ширум светот кои ја прифатија неговата убавина и осаменост, користејќи го како лек за душата и катализатор за креативност.
На мажите не им е дозволен пристап
Овде,на оваа карпеста пустелија покриена со борови,е заштитен простор ослободен од притисоците на секојдневниот живот во општество во кое доминираат мажи.
„Нашиот остров SuperShe е подмладителен и безбеден простор каде жените можат повторно да се откријат себеси и своите желби – есто каде што можат да бидат свои“, вели Рот.Воздухот на овој остров е еден од најчистите во светот, збогатен со мирис на бор, кој е вистински мелем за душата и телото.
Активностите главно се фокусираат на здравјето и благосостојбата на жените, вклучително и часови по јога, медитација и готвење, како и поенергични активности како што се стенд-ап бордборд и пливање.
За оние кои претпочитаат мирен одмор меѓу дрвјата, има можности за потрага по храна во шумата, додека плажата со златен песок нуди место за сончање. Модерните хамакови и места за релаксација ги повикуваат посетителите да се опуштат со добра книга.
View this post on Instagram