Многумина веќе ги избираат локациите каде ќе го поминат есенскиот и зимскиот период, како и празниците, а тука често е вклучен и авионскиот превоз, доколку се одлучат за подалечна дестинација.
И самите тогаш знаете дека купувањето билети со ова превозно средство е најскапо, но не мора да биде ако ги знаете „триковите“ како да купите во ваша корист. Подолу се дадени совети за тоа кога да барате авионски билет и во кои замки не смеете да паднете.
Според економистот Макото Ватанабе, најдобро време за купување авионски билет е осум недели пред тоа, додека според мислењата на самите авиокомпании тоа е шест недели претходно.
Можеби цената на билетот што го барате во еден момент ќе ве израдува, а вие одлучите да го купите кога ќе се вратите дома од работа, но тогаш ве чека изненадување – цената на билетот драстично се променилс ! Да, цената на билетот се менува и до три пати на ден, па кога ќе забележите дека билетот е поволен – не двоумете се, купете го.
Ако одлучите да барате карти за викенд, кога не работите и немате одредени обврски, па истражувате се со шолја кафе, наш совет е да не го правите тоа. Зошто? Затоа што цените се поскапи во недела отколку во другите денови, а тоа го прават намерно авиокомпаниите. Цената на билетот на овој ден може да поскапи околу 40 отсто. За разлика од тој ден, најдобро е да барате билети на почетокот на неделата, тогаш се нудат најголемите попусти и „продажба“ на преостанатите места.
Исто така, иако може да ве изнервира постојано да добивате пораки на вашата е-пошта, тоа не е лошо бидејќи особено ќе добиете евтини летови за време на празниците. Многу авиокомпании нудат попусти за време на специјални датуми, па зошто да не го искористите тоа.
Се разбира, се подразбира дека цените на летовите за големите аеродроми се многу поскапи отколку за помалите, затоа секогаш прво барајте летови од помалите аеродроми, ќе добиете подобра зделка.