Најновиот остров на светот излезе од морето во близина на брегот на јапонскиот вулкански остров Иво Џима во Тихиот Океан.
Јапонската метеоролошка агенција (JMA) изјави за Си-Ен-Ен дека неименуваниот остров е формиран по подводна вулканска ерупција.
На 1 ноември, поморските сили го снимиле како излегува од океанот. На фотографиите се гледа мала ерупција покрај островот од која блика темен облак од пепел. Новосоздадениот остров сега е дел од синџирот острови Огасавара.
ЈМА од минатата година бележи вулканска активност на тоа подрачје. Институтот за истражување на земјотреси на Универзитетот во Токио потврдиле дека на 30 октомври се случила моќна ерупција што го создала островот.
Вулканологот Сецуја Накада изјави за Japan Times дека магмата се акумулирала под вода некое време, за подоцна да избие на површината. Островот се наоѓа на околу 1.200 километри јужно од копното на Јапонија и на еден километар од Иво Џима.