Да признаеме, ние дамите сакаме ноктите да ни бидат убави и уредни, особено негувани и обоени со убави бои. Иако често одиме на маникир за да ни ги средат ноктите, да обезбедат услуга за гел-лак или само да ги поправат кутикулите и да нанесуват обичен лак – тоа влијае на нашето тело.
Овој тип на козметика може да има негативно влијание врз нашето здравје.
Не, ова не е повик да престанете целосно да ги лакирате ноктите. Во продолжение ќе ви кажеме кои состојки се во обичниот лак за нокти и кои можат негативно да се одразат на нашето тело.
Толуен
Растворувач кој им дава мазна завршница на ноктите и го зачувува пигментот. Може да влијае на централниот нервен систем и да предизвика репродуктивни нарушувања. Главоболка, слабост, несвестица и мачнина се само дел од можните последици од употребата на нестандарден лак за нокти.
Формалдехид
Безбоен гас кој помага да се продолжи рокот на траење на лакот. Ако страдате од алергии, контактот со формалдехид може да предизвика дерматитис и можни хемиски изгореници. Во тешки случаи, може да предизвика нарушувања на срцевиот ритам, конвулзии и рак.
Дибутил фталат
Се користи како мирис. Присуството на оваа опасна компонента може да предизвика ендокрини нарушувања, гинеколошки заболувања и болести на респираторниот тракт.
Имено, направено е и истражување. Научниците спровеле студија со група од 24 жени кои ги лакирале ноктите. Само шест часа подоцна, повеќето од учесниците имале покачени нивоа на дифенил-фосфат (дериват на трифенил фосфат кој се формира во метаболичкиот процес). По 10 часа лакирање, нивоата на дифенил фосфат во телата на сите учесници се искачиле и до седум пати над нормата, а тие резултати се навистина алармантни.
Како да изберете соодветен лак за нокти?
Изберете ги оние пакувања и шишиња со лак за нокти со посебни ознаки.
„5-free“ значи дека производот не содржи формалдехид, негови деривати (формалдехидни смоли), толуен, дибутил фталати или камфор.
„3-Free“ значи дека лакот не содржи само три штетни компоненти: формалдехид, дибутил фталат и толуен.
Никогаш не заборавајте дека вашето здравје е во ваши раце и мора да се грижите за него.