Откако минатиот месец откажа седум северноамерикански турнеи, американската пејачка Џенифер Лопез сега ја ребрендираше целата турнеја, пишува Variety.
Оригиналното име на турнејата, како и самиот албум, беше „This Is Me… Now“, а новото име, кое Џеј Ло го смени во тајност, е „This Is Me… Live/The Greatest Hits“ . Сепак, името не е единственото нешто што таа го промени, имено, на концертите фокусот повеќе нема да биде на песните од новиот албум, туку пејачката треба да изведе дел од нејзините најголеми хитови и да се обиде да покрие дел од целата нејзина дискографија. Наводно, таа решила на овој потег, бидејќи фановите не се воодушевени од нејзиниот последен албум.
Ова е прва турнеја на Лопез по пет години, а албумот што го објави во февруари е нејзин прв по десет години. Сепак, тој немаше голем успех. Во првата недела се продаде во 14.000 примероци и стигна на само 38. место на Билборд 200. Албумот беше издаден како дел од двата филма „This Is Me… Now: A Love Story“ и „The Greatest Love Story Ever Told“.
View this post on Instagram
На албумот Лопез зборува за тоа каква жена е денес, а голем дел од албумот е посветен на нејзиниот сопруг, актерот Бен Афлек и нивниот брак. Тие се венчаа во 2022 година, по речиси 20 години разделба. Кога беше објавен албумот, Џеј Ло исто така изјави дека би можел да биде последен во нејзината кариера.
“Ова е најдобриот албум што некогаш сум го направила – најискрениот и највистинскиот. Ми требаше долго време како музички уметник да го постигнам ова. Горда сум и среќна поради ова, како никогаш досега”, изјавила Џеј Ло во февруари. Дали Џенифер ќе откаже уште еден концерт или можеби ќе додаде неколку, останува да видиме. Нејзината турнеја започнува во лето, поточно на 26 јуни во Орландо.