Поранешниот обвинител во Хаг, Карла дел Понте би можела да бидe обвинетa за уништување на околу илјада предмети од масовни гробници. Во прашање биле предмети кои припаѓале на жртвите од Сребреница, и биле користени како доказен материјал во судските постапки.
Предметите биле уништени кон крајот на 2005 година, и почетокот на 2006 година, во Хаг. Обвинителството неколку години подоцна изјавило дека биле “уништени, бидејќи биле во состојба на распаѓање и дека се опасни за здравјето на луѓето”.
Тоа било голем шок за преживеаните жртви од геноцидот, но и за роднините на загинатите, бидејќи, како што е нагласено од страна на претставниците на Здружението на Сребреница “, уништени биле сеќавањата на убиените.” Тие не се смириле и кога судот им објаснил дека уништените предмети и фотографии се чуваат во судските записи. Тие изјавиле дека личните предмети за преживеаните жртви имале голема емоционална вредност.