Изгледа дека спортистите на Олимпијадата во Париз во 2024 година навистина се третираат со посебно внимание, судејќи според подароците што ги добиле. Една од нив, данската ракометарка Алтеа Рајнхард, ја сподели содржината на нејзината торба со подарок на TikTok, оставајќи ги гледачите шокирани од она што се наоѓа внатре, пишува LADBible.
Во видеото Алтеа покажа црна торба за повеќекратна употреба со логото на Олимписките игри и натпис „Спортист 365“. Најпрво од торбата извадила сина картичка за подарок Samsung, а потоа и комплет за патување со производи за нега на кожа, заби и коса од познати брендови како Head & Shoulders и Oral B.
@altheareinhardt Thank you @paris2024 #olympics #olympian #paris2024 #olympicunboxing #denmark #olympicspirit #handballplayer ♬ Get Ready – Steve Aoki Vocal Radio Edit – 2 Unlimited
Покрај тоа, во чантата имало пластично шише со вода во сина и црна боја со олимписки мотиви, како и црвено шише со логото на Coca-Cola. Сепак, најголемото изненадување беше црната кутија од Samsung во која се наоѓаше сосема новиот Samsung Z Flip6, специјално направен за Олимпијадата. Овој уред кој на пазарот се продава за 1.250 евра има тенок преклоплив дизајн, остра AMOLED резолуција и брз процесор, пренесува Вечерњи лист.
Многу корисници беа воодушевени од подароците, а еден коментираше: „Отсекогаш сум сакал телефони на преклоп и оваа боја е прекрасна“. Други се пошегуваа дека би сакале да учествуваат на Олимпијадата за да добијат таков подарок.