Една од најпопуларните туристички дестинации во Италија им нуди на луѓето шанса да работат и да живеат во градот за неверојатни 150.000 евра годишно.
Венеција бара управувачи на гондоли кои ќе ги водат туристите низ знаменитостите на градот. Кандидатите треба да имаат 18 години или повеќе, да имаат училишно образование и да знаат да пливаат. Мора да зборуваат и италијански.
Оние кои ќе станат управувачи на гондоли прво ќе треба да поминат шестмесечен курс за обука, кој чини околу 1.000 евра за 400 часа обука, пишува Express.
По завршувањето на обуката, кандидатот добива сертификат и дозвола за возење во отсекот „гондолаџија“.
Возачот на гондолата потоа е одговорен за одржување на неговата 11-метарска гондола.
„Официјалната тарифа за 30-минутно возење со гондола е 80 евра (68,10 фунти)“, се вели во извештајот.
„Цената оди до 100 евра (85,10 фунти) од 19 часот па натаму. Ако сакате гондолиерот да пее или да свири инструмент за време на возењето, ќе треба да доплатите“.