Колку и да сте склони кон сончање, сите знаеме дека сонцето може негативно да влијае врз здравјето на кожата. Повеќето љубители на сончањето изгледа забораваат на опасностите што тоа ги носи.
На прво место е сувата кожа, брчките кои се создаваат, хиперпигментацијата како и се повеќе раширениот рак на кожата.
Хиперпигментација е само еден од проблемите, и се случува затоа што кожата не може да го издржи интензитетот на сонцето. Овие пеги се многу поголеми од нормалните, а бидејќи кожата памти, со текот на годините стануваат поголеми и траат подолго.
Секогаш се појавуваат на исто место, на брадата, носот, лицето, градите… Постојат техники за отстранување на овие дамки, од креми за белење до ласерска терапија. Сите даваат добри резултати, но само ако сте заштитени од сонцето.
Исто така, бидете внимателни со земањето лекови како и во текот на бременоста бидејќи тогаш се јавува хиперпигментација поради промени во производството на меланоцити, кои се резултат на зголеменото излачување хормони.