Како што наближуваат празниците, така се почесто се поставува прашањето – кога е вистинското време за украсување на елката – симбол на радост, заедништво и надеж.
Идеалното време за украсување често зависи од семејните традиции, културните обичаи и личните преференци.
Традиционално или модерно
Според традиционалните обичаи во многу делови од светот, елката се украсува на Бадник, на 24 декември, како дел од подготовките за Божиќ. Меѓутоа, во современото општество, украсувањето на елката често започнува многу порано – некои веќе на почетокот на декември, додека други не можат да чекаат до крајот на ноември.
Причината за ова поместување секако е продолжениот празничен дух. Трговските центри, улиците и домовите се украсени со првите знаци на зимата, охрабрувајќи ги луѓето што поскоро да ја внесат празничната атмосфера во своите домови.
Празнично расположение – индивидуален избор
За многу семејства, украсувањето на дрвото го означува почетокот на празничните активности.
Тоа е момент на собирање, смеа и заедништво. Некои избираат да биде првиот викенд во декември, додека други чекаат точно 12 дена пред католичкиот Божиќ, како што налага традицијата.
Од друга страна, во православните земји Божик се слави на 7 јануари. И овде, најчесто е украсувањето на почетокот на декември, под влијание на светските трендови.
Елка како симбол
Без разлика на времето на украсување, елката симболизира надеж, светлина и живот. Во минатото, зимзелените дрвја се поврзувале со верувањето во обновувањето на природата и доаѓањето на пролетта. Со додавање на орнаменти, особено рачно изработени, семејствата додаваат личен шмек на нивниот празничен декор.
Без разлика дали ја следите традицијата, креирате сопствен правец или едноставно уживате во подолгата празнична атмосфера, вистинското време за украсување на елката е она што ви носи радост.