Глобалната економска криза не го заобиколи ни Холивуд. Пример за тоа е познатиот глумец Берт Рејнолдс, кој ја загуби својата куќа на Флорида бидејќи не плаќал хипотека.
Актерот повеќе од една година не плаќал хипотека за својата вила во Флорида чија вредност се проценува на 1.5 милиони долари, па судот му ја одзел и ја ставил на јавна продажба.
Во екот на својата кариера Рејнолдс беше еден од најплатените глумци во Холивуд, но сега 75 годишниот актер не успеал да плати 700.000 илјади долари за да го задржи својот дом кој го поседува повеќе од 23 години. Сепак, и славните личности се само обични луѓе.