Списанието „Time Out“ објави список на најдобри зимски градски одмори, со Атина во Грција на врвот, опишана како најпотценета туристичка дестинација во ова време од годината.
Зимата пристигна, носејќи со себе време кога многумина би сакале да останат во кревет под топло ќебе. Сепак, ако сте подготвени да излезете надвор, ќе откриете дека дури и краткото зимско патување може да биде токму она што ви треба.
Покрај тоа што ќе избегате од божиќните гужви и ќе имате нешто на што да се радувате, постои уште една предност: можете да посетите некои од најпознатите градови во Европа без да ве вознемируваат толпите туристи.
Списанието „Time Out“ ја објави својата листа на најдобри зимски градски одмори во Европа, со Атина на врвот.
Грчката престолнина е позната како летна дестинација со температури што достигнуваат до 40 степени Целзиусови во лето, но „Time Out“ пишува дека градот е всушност многу попријатен во ова време од годината.
Џон Ованс од „Time Out“ толку многу се заљубил во Атина во текот на зимата што решил да ја помине целата сезона таму минатата година. Според него, „градот никогаш не влегува во целосна хибернација“, што значи дека има многу што да се прави од септември до март.
Овенс смета дека Атина би можела да ја „ја преземе круната на Лисабон“ како водечка дестинација во Европа за дигитални номади, благодарение на неговиот евтин живот, топол начин на живот и интересна, малку сурова елеганција.
Времето е изненадувачки пријатно, а во убав ден во зима можете да имате температури и до 20 степени.
Втората најпотценета дестинација за зимски одмор на листата е Венеција. Овој град е познат по тоа што е преполн, но ако планирате патување во јануари или февруари, работите се малку порелаксирани.
Мадрид се најде на третото место. Во основа, ако сакате одмор без да се борите со другите гости за топло чоколадо во центарот на градот, ова е местото за вас.