Многу луѓе сакаат да уживаат во удобно патување, а ова изгледа како невозможна мисија кај нискобуџетните авиокомпании.
Сепак, аргентинската стјуардеса Барби Бак има корисен совет за обезбедување на најдоброто седиште во авионот.
Таа истакнува дека нискобуџетните авиокомпании, освен ако не платите дополнително за седиште, речиси секогаш ќе ви го дадат најлошото, кое е на средина помеѓу две лица, во последниот ред или без прозорец. Сепак, таа истакнува дека постои решение.
„Бев на лет од четири и пол часа, платив дополнително за да патувам како кралица на седиште каде што немам никој до мене од едната страна. Платив само 11 евра повеќе за тоа задоволство“, рече таа.
Бак истакнува дека нејзиниот избор бил седиштето од десно во ред 27, каде што има само две седишта наместо вообичаените три, што им обезбедува на патниците повеќе простор и удобност. Таа ги опиша и седиштата што треба да се избегнуваат, особено ако се надевате дека ќе се одморите за време на летот.
„Задниот ред е без сомнение најлош. Турбуленцијата најмногу се чувствува во задниот дел од авионот“, рече таа.
Таа го нарече средното седиште и седиште на очај.
„Заробени сте, стегнати меѓу двајца целосни странци, без личен простор и контрола“, рече таа.
Таа исто така истакнува дека седиштето до ходник може да биде кошмар за спиење, бидејќи луѓето ве удираат додека минуваат, а стјуардесите ве туркаат со колички со храна и пијалоци. Исто така, седиштата во излезниот ред на авионот се сметаат за најдобри поради просторот за нозе, но патниците на овие седишта имаат одговорност да го отворат излезот во случај на вонредна состојба. Тие седишта можат да бидат поладни поради близината до вратата, а понекогаш стјуардесата седи пред вас, што може да биде непријатно, пишува The Mirror.
Седиштата во првиот ред, веднаш зад преградниот ѕид, нудат простор за нозе, но нема простор за складирање, па затоа мора да ставите сè во преградата над главата. На крајот на краиштата, оваа стјуардеса наведува дека ако сакате мир и одмор, седиштето до прозорец е најдобриот избор.