Викторија Бекам отворено проговори за своите несигурности
52-годишната ѕвезда отворено проговори за својата самодоверба во ново интервју за британскиот весник „Тајмс“.
„Целиот живот го поминав чувствувајќи се дека не сум доволно добра“, рече модната дизајнерка, додавајќи дека „најдобрата работа во стареењето“ е тоа што „помалку ти е гајле што мислат другите луѓе“.
Кога еден новинар ја праша за нејзиниот однос со стареењето и наполнувањето 50 години, мајката на четири деца рече дека поголемиот дел од својот живот „не ѝ се допаѓал како изгледа“, но дека сега „го прифаќа“.
Возраста не е пречка
Ѕвездата, исто така, рече дека не мисли дека треба „да се откажеш само затоа што имаш 50 години“.
„Тоа не значи дека мора да правиш компромис“, нагласи таа за стареењето, „сè уште можеш да изгледаш добро“.
Потоа Викторија откри дека денес тренира повеќе отколку кога имала 20 или 30 години.
„Само затоа што си постар не значи дека си ограничен во она што можеш да го направиш. Како што старееш, сè уште можеш да постигнеш големи работи“, рече таа.
Годишнина
Кога поранешната поп-ѕвезда го прослави својот голем 50-ти роденден во април 2024 година, таа сподели искрени мисли за стареењето на Инстаграм, откривајќи дека ја дочекува новата деценија со раширени раце.
Додека се подготвувам да влезам во моите 50-ти години (во потпетици, секако!), се чувствувам неверојатно благословена што ја достигнав оваа пресвртница“, напиша Викторија во описот на нејзината објава на социјалните мрежи, додавајќи: „Благословена, но исто така и остварена и длабоко задоволувачка“.
Разновидност
Со оглед на нејзините големи промени во кариерата – од Posh Spice до лансирањето на нејзината истоимена модна етикета и огромниот успех на нејзиниот бренд – ѕвездата зборуваше и за важноста да не се биде врзан само за една улога.
„Верувам дека можеш да бидеш многу работи“, продолжи таа. „Поп-ѕвезда, мајка, сопруга, дизајнерка… Мојата страст отсекогаш била да сонувам на големо, а потоа да сонувам уште поголемо! Прво верувај во себе – сите други ќе следат“.
„Ова е почеток на едно возбудливо ново поглавје, а јас само што почнав“, ја заврши Викторија својата срдечна објава.
Викторија и нејзиниот сопруг, поранешниот фудбалер Дејвид Бекам, имаат четири деца: Бруклин (27), Ромео (23), Круз (21) и Харпер (14).